ဟိုတစ်လောလေးကပဲ ပဲခူးဘူတာရုံမှာ ကြားလိုက်ရသေးတယ်။ သမီးဖြစ်သူက သူ့အမေကို အလုပ်မရှိတဲ့အတွက်ကြောင့် ရှာဖွေကျွေးမွေးပြုစုစောင့်ရှောက်ရတယ်။ ဒီလိုနဲ့ သမီးဖြစ်သူအလုပ်က ပြန်လာချိန်မှာ ထမင်းမကျက်သေးလို့ ထမင်းအိုးကိုလည်း ခြေနဲ့ကန် လွတ်ပစ်လိုက်ပါတော့တယ်။ နောက်ပြီး သူ့အမေကို “အလကားမိန်းမကြီး” အိမ်နဲ့မတန်ဘူး၊ လမ်းမှာထွက်ပြီး ခွက်ဆွဲတောင်းစားနေတာပဲ ကောင်းတယ်လို့ ပြောဆိုပါတော့တယ်။ အဲဒီ့နောက် သူမလည်းအလုပ်ကပြန်လာ ရေချိုးဦးမယ်ဆိုကာ တဘက်ပုခုံးပေါ်တင်ပြီး လုံချည်ရင်ရှားနှင့် ရေချိုးဖလားယူကာ ရေတွင်းရှိရာသို့ ထွက်ခွာသွားပါတော့တယ်။
မိဘအပေါ်မိုက်ရိုင်းစော်ကား ကြမ်းတမ်းတဲ့ သမီးမိုက်ဟာ အဲ့ဒီ့အချိန်မှစပြီး အိမ်ပြန်ရောက်မလာတော့ပါ။ ဒီလိုနဲ့ သူ့အရပ်ထဲက လူတွေလည်း ၀ိုင်းဝန်းပြီးလိုက်ရှာကြပါသေးတယ်။ သို့သော်လည်း ဘယ်လိုပင်ရှာရှာ မတွေ့တော့ပါ။ တစ်လလောက်ကြာသောအခါကျမှ ပဲခူးဘူတာရုံမှာ ထွက်သွားတုန်းက လုံချည်ရင်ရှားတဘက်နဲ့ ဆံပင်မွေးဖားလျားချကာ ရုပ်ပျက် ဆင်းပျက် ရူးသွပ်လျက် ရေချိုးဖလားခွက်နဲ့ပဲ သူတောင်းစားမကြီးတစ်ယောက်လို ပေးပါ ကျွေးကြပါဟု တောင်းစားနေပါတယ်။ မိဘအပေါ်ရိုင်းစိုင်းကြမ်းတမ်းခဲ့တဲ့ နှုတ်ဝစီဟာ (၀စီဘေဒထိတိုင်းရှ)ဆိုတဲ့အတိုင်း အလွန်တရာမှ ကြောက်မက်ဖွယ် ကောင်းလှပါတယ်။
သားသမီးတွေဟာ မိဘနဲ့ပတ်သက်လာရင် နည်းနည်းမသိတတ်လျှင် နည်းနည်းပြန်ခံစားကြရပြီး များများမိုက်ရိုင်းလျှင် ရက်ရက်စက်စက်ကို ကြောက်မက်ဖွယ်ရာ ကောင်းလှအောင် ၀ဋ်လည်တော့တာပါပဲ။ စာရှု့နေကြကုန်သော မိတ်ဆွေတို့ရဲ့ ပတ်ဝန်းကျင်းမှာ အထက်က တင်ပြခဲ့တဲ့ ဖြစ်ရပ်မျိုးစုံတွေ အနည်းနှင့်အများတွေ့ဖူးကြပါလိမ့်မယ်။ မိမိတုိ့သည်လည်း မိဘရဲ့သားသမီးများဖြစ်ခဲ့ဖူးကြလို့ ဒီအကျိုးဆက် အရိပ်ကလေးတွေကတော့ ကောင်းရင်ကောင်းခဲ့သလို ဆိုးရင်ဆိုးခဲ့သလို အနည်းနှင့်အများရှိကြလိမ့်မည်မှာလည်း အမှန်ပါပဲ။ ဒါကြောင့် သားသမီးတွေဟာ ကျေးဇူးတရားကြီးမားလှတဲ့ မိဘနှစ်ပါးရဲ့ အပေါ်မှာ အရာရာကို ခွင့်လွှတ်တတ်တဲ့စိတ်နဲ့ နားလည်ပေးကြရပါလိမ့်မည်။ တစ်ခုတော့ရှိပါတယ်။ လူဆိုတာမှားတတ်တဲ့ သဘောရှိတတ်ကြတဲ့အတွက်ကြောင့် တစ်ခါတစ်ရံမှာ အမှားမကင်းတတ်ကြပါဘူး။ ဒါကို ခွင့်လွှတ်နားလည်ပေးပါ။
~~~~~~~~~~~~~~~~~~~~~
မှတ်ချက်
တောင်တွင်းအရှင်ဏ္ဍဒ္ဓိပါလ
အညတရဘိက္ခု၏
သားသမီးနှင့်မိဘငြိမ်းချမ်းရေး (သားသမီးနှင့်မိဘ တကယ့်ဖြစ်ရပ်မှန်များ) စာအုပ်မှ ကူးယူ၍ မဖတ်ရသေးသော သူငယ်ချင်းများအတွက် ရည်ရွယ်ပြီး စာစီရိုက်ကူးပေးထားခြင်းဖြစ်ပါသည်။
အမှားအယွင်း တစုံတရာရှိခဲ့လျှင် ကျွန်မမှာသာလျှင် တာဝန်ရှိပါသည်။
0 comments:
Post a Comment