Living together နဲ့ မြန်မာလူငယ်များ

nycitylights.wordpress.com

       စင်္ကာပူမှာ ရည်းစားက အတူနေတဲ့ ပုံတွေကို အင်တာနက်မှာ ဖွလို့ တိုက်ပေါ်က ခုန်ချပြီး ကိုယ့်ကိုယ်ကို သတ်သေသွားတယ် ဆိုတဲ့ မြန်မာကောင်မလေး အကြောင်း ကြားရတော့ စဉ်းစားမိတာလေးတွေပါ။ လက်မထပ်ခင် အတူနေကြတယ် ဆိုတာက စင်္ကာပူ မပြောနဲ့၊ မြန်မာပြည်မှာတောင် သိပ်မဆန်းတော့တဲ့ ကိစ္စပါ။ ဒါပေမဲ့ ဆန်းတာက ဒီခေတ်မှာ အဲဒီလို အတူနေဖို့ လိုက်လျောမိတဲ့ မိန်းကလေးတွေအတွက် Risk တွေ ပိုများလာတာပါ။ ကူးစက်ရောဂါ၊ ကိုယ်ဝန်ကနေ မီဒီယာအထိ တိုးလာပါတယ်။ အဲဒီလို ပြောမိတာနဲ့ ကျနော့်ကို ကွန်ဆာဗေးတစ်လို့ မထင်စေချင်ပါဘူး။

                Living together ဆိုတာကို အခြေအနေနဲ့ အချိန်အခါ တစ်ခု အတွင်းမှာ ဆိုရင် ဖြစ်သင့်တဲ့ကိစ္စလို့ ကျနော် ယုံကြည်ပါတယ်။ ဥပမာ - မိသားစု၊ ဘဝတက်လမ်း ဆိုတာတွေကို ငဲ့ကွက်နေရလို့  လက်ထပ်ဖို့ အဆင်သင့် မဖြစ်သေးတဲ့ အရွယ်ရောက် စုံတွဲတွေ၊ နှစ်ဦးစလုံးကလည်း သစ္စာရှိမယ်ဆိုရင် မဆိုးဘူးလို့ ထင်ပါတယ်။ ဒီလိုမဟုတ်ပဲ လူငယ်တွေ အနေနဲ့ စိတ်အလိုလိုက်ချင်တာ တစ်ခုတည်းနဲ့တော့ ပေါ့ပေါ့တန်တန် သဘောမထား စေချင်ပါ။ ကိုယ့်ကိုယ်ကို တန်ဖိုးထားတဲ့ မိန်းကလေးကိုမှ ယောင်္ကျားလေးတွေက တန်ဖိုးထားတတ်ကြတယ် ဆိုတာကိုလည်း မမေ့သင့်ပါ။ တည်ငြိမ်ရင့်ကျက်မှု ရှိပြီးဖြစ်တဲ့ မိန်းကလေးတွေ အနေနဲ့တော့ ဒီကိစ္စကို မှန်ကန်စွာ ဆုံးဖြတ်နိုင်ပါလိမ့်မယ်။ 

               ဒီနေရာမှာ မိန်းကလေးတွေ သိထားသင့်တယ်လို့ ထင်တဲ့ ကျနော်အပါအဝင် မြန်မာ ယောင်္ကျားလေးတွေ အများစုရဲ့ အကြောင်းကို သိသလောက် အထုပ်ဖြည်ပြ ချင်ပါတယ်။ 

     ကျနော်တို့ဟာ
၁။ အခြေအနေ ပေးမယ်ဆိုရင် လက်မနှေးကြတဲ့ သူတွေ ဖြစ်ပါတယ်။
၂။ လွယ်လွယ်ကူကူနဲ့ ရရှိတဲ့ အရာတစ်ခုကို (ဘယ်လောက် တန်ဖိုးရှိပါစေ) တန်ဖိုးမထားတတ်ပါဘူး။
၃။ အဟောင်းကို ရိုးအီလွယ်ပြီး အသစ်အဆန်းကို စိတ်ဝင်စားတတ် ကြပါတယ်။
၎။ ကိုယ်တိုင်ကသာ အိုချင်တိုင်းအိုမယ်၊ လက်ထပ်ရမယ့် သတို့သမီးကိုတော့ အပျိုစင်မှ လိုချင်ကြပါတယ်။
၅။ အိမ်ထောင်သက် ဘယ်လောက်ရှည်ပါစေ၊ ဇနီးဖြစ်သူရဲ့ ရည်းစားဟောင်းတွေနဲ့ ပတ်သက်လာရင် သဝန်တိုစိတ်က ရှိနေတတ်ကြပါတယ်။
၆။ ကိုယ့်ရည်းစားက လိုက်လျောတာကို အလှူရှင်မှန်းသိအောင် မဏ္ဍတ်တိုင် တက်ချင်တတ်ကြ ပါတယ်။
၇။ တစ်ယောက်နဲ့ အထက် ရည်းစားတွေကို တပြိုင်တည်း ထားနိုင်ရင် ကိုယ့်ကိုယ်ကို ဟုတ်လှပြီလို့ ထင်တစ်လုံး ရှိတတ်ကြပါတယ်။
၈။ မိန်းကလေး တစ်ယောက်ကို အညှာလွယ်တယ်လို့ မြင်မိရင် အခြားယောက်ျားတွေနဲ့ ဆိုရင်လည်း ဒီလိုပဲ ရှိမှာလို့ ကောက်ချက်ချတတ် ကြပါတယ်။
၉။ ရည်းစားထားတိုင်း အိမ်ထောင်ပြုဖို့ ရည်ရွယ်တာ မဟုတ်သလို လက်ထပ်ရေးကို ရှေ့ရေး (ရည်မှန်းချက်)နဲ့ နောက်ရေး (ကိုယ့်မိသားစု) တွေရဲ့ နောက်ဆုံး ဦးစားပေး အနေနဲ့ စဉ်းစားလေ့ ရှိကြပါတယ်။
၁၀။ သူများနဲ့ ဖြစ်ပျက်ပြီးသား မိန်းကလေး တစ်ယောက်ကို လက်ထပ်ယူ ရတာမျိုးဆိုရင် ကိုယ့်ကိုယ်ကို ကယ်တင်ရှင်ကြီး တစ်ဦး၊ သဘောထားကြီးသူ တစ်ဦးအဖြစ် ထင်နေတတ်ကြပါတယ်။
         ဒီအချက်အားလုံးဟာ မြန်မာယောင်္ကျားလေးတွေ အားလုံးအတွက် အမှန်လို့ မယူနိုင်ပေမဲ့ ဒါတွေက ယေဘုယျ အားဖြင့်တော့ ဒီလိုပဲ ဖြစ်ပါတယ်။ ခေတ်တွေ ဘယ်လိုပဲ ပြောင်းပေမဲ့ မပြောင်းနိုင်သေးတဲ့ အရာတွေလည်း ရှိနေဆဲပါ။ မြန်မာ လူငယ်တွေ အားလုံး ဝေဖန်ဖို့နဲ့ ဆင်ခြင်ဖို့ တင်ပြလိုက်ပါတယ်။ ။http://www.shwemyine.com/2011_01_01_archive.html